बीपीकालीन राजनीतिदेखि हालसम्म सक्रिय कांग्रेस केन्द्रीय सदस्य भीमबहादुर तामाङ आसन्न १२ औं महाधिवेशनमा सभापतिको उम्मेदवार बनेपछि चर्चामा छन् । सुशील कोइराला र शेरबहादुर देउवालाई 'यथास्थितिवादी' को संज्ञा दिंदै उनले आफूलाई परिवर्तनकारी उम्मेदवारका रूपमा प्रस्तुत गरेका छन् । पार्टीका विद्यमान धार संस्थापन र प्रजातान्त्रिक असफल भएपछि तेस्रो धारका रूपमा आफू आएको उनको दाबी छ । तेस्रो धार चुनावीमात्र होइन, स्थायी धार हो, जो नयाँ कांग्रेसको प्रस्थानबिन्दु बन्ने उनको विश्वास छ । युवाहरूको भावनालाई प्रतिनिधित्व गर्ने सक्षम उम्मेदवार आफूमात्र भएको तर्क पनि उनको छ । 'बुढो भए पनि म विचारमा युवा छु,' उनी भन्छन् । 'स्थायी' तेस्रो धारका संस्थापक तामाङसँग महाधिवेशन र उम्मेदवारीबारे कान्तिपुरका लागि गोपाल खनाल र कुलचन्द्र न्यौपानेले गरेको संवाद-